ကွာရန်တင်းရှောင်သူတွေ စောင့်ကြည့်ဖို့ အီလက်ထရောနစ်လက်ပတ်တွေ သုံးမယ်

ဟောင်ကောင်မှာ ပြည်ပက ဝင်လာသူတွေကို အီလက်ထရောနစ် လက်ပတ်ဝတ်ပေး

တောင်ကိုရီးယားနိုင်ငံမှာ ကိုရိုနာ ဗိုင်းရပ်စ်ပျံ့နှံ့မှု ထိန်းချုပ်နိုင်ဖို့ သီးခြားခွဲခြားထားမှုတွေ အာဏာတည်စေဖို့ အီလက်ထရောနစ် လက်ပတ်တွေကို သုံးဖို့ အစီအစဉ်ရှိတယ်လို့ အစိုးရက ကြေညာလိုက်ပါတယ်။

ဘာကြောင့်လဲ ဆိုတော့ အိမ်ထဲမှာပဲ နေကြဖို့ ညွှန်ကြားခံထားရတဲ့လူ ခြောက်သောင်းထဲက တချို့ဟာ သူတို့လှုပ်ရှားမှုတွေကို စောင့်ကြည့်ရာမှာ သုံးတဲ့ စမတ်ဖုန်းတွေကို ထားခဲ့ပြီး အိမ်ပြင်ကို တိတ်တဆိတ် ထွက်သွားကြတာတွေ ရှိတဲ့ အတွက် ဖြစ်တယ်လို့ဆိုပါတယ်။

ဧပြီလ ၁ ရက်နေ့က စပြီး ပြည်ပကနေ တောင်ကိုရီးယားကို ဝင်လာသူတွေ အားလုံး ၁၄ ရက်ကြာ သီးခြားခွဲခြား စောင့်ကြည့်ခံကြရတာဖြစ်ပါတယ်။

Credit – BBC Burmese

အသစ်တင်သမျှ သင့်မေးလ်ထဲပို့ပေးဖို့