Crime News

Crime News

တာချီလိတ်နဲ့ မလေးရှားမှာ သင်္ကြန်ရေကစားတဲ့သူတွေအဖမ်းခံရ

စက်ရုံအုပ်ချုပ်ရေးအဖွဲ့နဲ့ ပူးပေါင်းစုံစမ်းပြီး မနက် ၂ နာရီလောက်မှာ စီးနင်းဖမ်းဆီးလိုက်တာပါ။

တာချီလိတ်မြို့မှာ သင်္ကြန်ကို ကြိုဆိုတဲ့အကြောင်းနဲ့ ရေကစားလိုက်တဲ့ စားသောက်ဆိုင်မှာ ဆိုင်ရှင် အပါအဝင် ၁၀ ယောက်ကို ဖမ်းလိုက်ပြီး ဒေသန္တရအမိန့် ဖောက်ဖျက်ကျူးလွန်မှုနဲ့ အမှုဖွင့်ထားပါတယ်။

ဒီအတောအတွင်းမှာပဲ မလေးရှားနိုင်ငံမှာ ကိုရိုနာဗိုင်းရပ်စ် မကူးစက်ရေး ထိန်းချုပ်နေချိန်မှာ Sepang ခရိုင်က စက်ရုံတရုံမှာ အလုပ်သမားအဆောင်ဝင်းအတွင်း သင်္ကြန်ရေကစားတဲ့ မြန်မာအမျိုးသား ၆၂ ယောက်ကို ရဲတပ်ဖွဲ့ က မနေ့က ဖမ်းဆီးလိုက်ပါတယ်။

စက်ရုံအုပ်ချုပ်ရေးအဖွဲ့နဲ့ ပူးပေါင်းစုံစမ်းပြီး မနက် ၂ နာရီလောက်မှာ စီးနင်းဖမ်းဆီးလိုက်တာပါ။ သင်္ကြန်ပွဲနွှဲနေတာကို လက်ကိုင်ဖုန်းနဲ့ ဗွီဒီယိုရိုက်ပြီး facebook လူမှုကွန်ရက်မှာ တင်တာကို အလုပ်သမားနှစ်ယောက်က ဝန်ခံတယ်လို့ ခရိုင်ရဲမှူးက ပြောပါတယ်။

မှတ်တမ်းတင်တဲ့ မိုဘိုင်းဖုန်းနှစ်လုံးကိုလည်း သိမ်းလိုက်ပြီး တချို့ကလည်း သင်္ကြန်ပွဲမှာ ပါတယ်လို့ ဝန်ခံပါတယ်။ တချို့ကိုတော့ စုံစမ်းဖမ်းဆီးခဲ့ပါတယ်။ သူတို့ကို ကူးစက်ရောဂါကာကွယ်ထိန်းချုပ်ရေး အက်ဥပဒေ၊ ဆက်သွယ်ရေးနဲ့ မီဒီယာအက်ဥပဒေတွေနဲ့ အမှုကို စုံစမ်းစစ်ဆေးနေပါတယ်။

Credit : RFA Burmese

အသစ်တင်သမျှ သင့်မေးလ်ထဲပို့ပေးဖို့